Ons Bediening

Eredienste

Ons hou elke Sondagoggend om 09:00 erediens. Die diens duur ongeveer 'n uur en bestaan uit Skriflesing, prediking, Psalms en gebed. Almal — lidmate, besoekers en kinders — is hartlik welkom.

Nagmaal en Doop

Die sakramente word gereeld bedien volgens die kerklike orde. Nagmaal word ongeveer vier keer per jaar gevier, en kinders van lidmate word op grond van die genadeverbond gedoop.

Kategese

Ons kategese (Sondagskool) lei kinders en jongmense stelselmatig deur die Heidelbergse Kategismus en die hoofwaarhede van die Skrif. Kategese is 'n ernstige saak vir ons gemeente — dit is hoe ons die volgende geslag in die geloof onderrig.

Bybelstudie en kleingroepe

Lidmate kom gereeld byeen vir Bybelstudie waar ons saam dieper in die Skrif delf, met mekaar in gesprek tree, en saam bid. Kontak ons gerus as jy by 'n groep wil aansluit.

Susters- en Mannebediening

Ons susters en broers ondersteun mekaar deur gebed, omgee, en praktiese hulp aan lidmate wat dit nodig het. Ons glo die gemeente is 'n gesin — niemand staan alleen nie.

Diakonale werk

Die diakens behartig die versorging van lidmate wat in nood verkeer en koördineer barmhartigheidshulp. As jy weet van iemand wat hulp nodig het, laat weet asseblief vir die kerkraad.